Cargando resultados...
Desaloxada a facultade de Terapia Ocupacional da Coruña por un incendio nun despacho
O edificio xa recuperou a súa actividade habitual, mentres continúa a ventilación das instalacións afectadas polo fume
CSAG
G24.gal
13/02/2026 09:16
Última actualización 13/02/2026 11:58
A facultade de Terapia Ocupacional do Campus de Oza da Universidade da Coruña foi desaloxada este venres por un incendio nun despacho.
O lume empezou á primeira hora no computador dun despacho, cando había doce persoas no centro, informan a EFE fontes da Universidade.
De inmediato desaloxaron as instalacións e chegaron tres dotacións con oito bombeiros, que extinguiron o lume a continuación, engaden fontes dos servizos de emerxencias da Coruña.
As instalacións xa recuperaron a súa actividade normal mentres continúa a ventilación polos restos de fume nalgúns puntos.
