Curas e gardas civís disputan en Boiro un partido de fútbol solidario

Os dous equipos presentáronse coa súa equipación clásica: de amarelo e branco vaticano, o equipo do clero; de verde, a Garda Civil. No campo de Vistalegre de Boiro a expectación era máxima, e os seareiros estaban divididos.

"Eu vou cos curas, hai que estar á beira de Deus polo que poida pasar"

"Eu vou coa Garda Civil, cos curas non"

"Os gardas igual che botan unha multa por aí, non é comercial"

¿Quen cre que poderá máis, León XIV ou Marlaska?, pregúntalle o animador do partido ao árbitro. 

"Non sei, eu on lle sei nada. Tódolos leóns teñen rabo", contesta o árbitro.

Aínda que no campo eran rivais, curas e gardas civís estaban unidos por unha fin solidaria: recadar fondos destinados a Cáritas de Boiro.

  "Para que Cáritas, nestas datas e noutras datas, poida axudar a xente que máis o necesita", explica Juan Carlos Mariño, cura en varias de Boiro e adestrador do equipo dos curas 

Os gardas civís son a maioría do posto de Boiro, pero tamén do posto de Noia, Ribeira e Rianxo, explica José Antonio Fernández, adestrador do equipo da Garda Civil.

Na primeira parte os curas puxéronse por diante no marcador. A táctica do adestrador estaba clara.
 

"Saíde aí e non tiredes para a nosa portería, para a outra todo o que queirades", di o adestrador dos curas.

"Agora nesta segunda parte intentaremos ir un pouco máis arriba e ser máis intensos", di un xogador do equipo da Garda Civil.

E así foi, a Garda Civil reaccionou e acabouse impoñendo por 3 goles a 7. Con todo, o resultado máis importantes era o da recadación: 3.400 euros para as fins solidarias de Cáritas neste Nadal.