Corte de tráfico en Alfonso Molina pola instalación da pasarela entre a estación de tren e de autobuses
Corte de tráfico en Alfonso Molina pola instalación da pasarela entre a estación de tren e de autobuses
Segundo informou o Ministerio de Transportes, durante esta semana realizaranse os traballos de izado e retirada dun dos tramos da antiga pasarela -vai desmontar e instalar unha nova- e a colocación dunha provisional
Para garantir a seguridade dos traballadores e usuarios, producirase o corte total da AC-11 entre os quilómetros 0 e 0,2, a partir das 22:00 horas deste luns, 2 de febreiro, e ata as 6:00 horas, unha situación que se poderá repetir ata o xoves 5 de febreiro
O Concello da Coruña está a executar unha pasarela entre as estacións de autobús e tren, en Alfonso Molina, o que provocará cortes de tráfico durante esta semana en horario nocturno.
Segundo informou o Ministerio de Transportes, durante esta semana realizaranse os traballos de izado e retirada dun dos tramos da antiga pasarela -vai desmontar e instalar unha nova- e a colocación dunha provisional.
Para garantir a seguridade dos traballadores e usuarios, producirase o corte total da AC-11 entre os quilómetros 0 e 0,2, a partir das 22:00 horas deste luns, 2 de febreiro, e ata as 6:00 horas, unha situación que se poderá repetir ata o xoves 5 de febreiro.
Para asegurar a fluidez do tráfico durante os traballos habilitaranse varios desvíos: en sentido descendente, os usuarios da AC-11 serán dirixidos cara á rotonda da estación de tren, a través da cal poderán circular para entroncar novamente coa AC-11, mentres que en sentido ascendente, os usuarios da AC-11 poderán acceder á cidade pola rolda de Outeiro.
