Falece un camioneiro de 50 anos tras caer desde un viaduto da A-52 en Melón
O camión fixo a tesoira, a cabeza tractora quedou pendurada sobre o viaduto e o condutor precipitouse ao baleiro
Un camioneiro de 50 anos resultou falecido tras un accidente de tráfico na A-52 á altura de Melón tras saírse da vía e precipitarse por un viaduto, informou este mércores a Garda Civil.
O sinistro produciuse ás 4.46 horas no quilómetro 263 da A-52, onde un camión articulado fixo a tesoira e a cabeza tractora quedou colgada sobre o viaduto de Melón.
Por causas que aínda se están investigando, o condutor, veciño de Cortegada, precipitouse ao baleiro e faleceu.
O Equipo de Investigación de Sinistros de Ourense fíxose cargo da investigación Os efectivos do GES de Ribadavia colaboraron cos bombeiros nas tarefas de rescate do corpo sen vida do camioneiro, localizado nunha zona de difícil acceso.
Debido ao accidente, a A-52 foi cortada e a circulación desviouse cara á N-120. Ás 12.15 horas quedou aberta a circulación por un carril.
.png)
