Centos de persoas reclaman en Sanxenxo melloras na atención primaria

A Plataforma para a Defensa da Sanidade Pública convocou este sábado unha manifestación en Sanxenxo. Os asistentes protestaron pola situación do sistema sanitario na zona.

Cualifícana como precaria e cren que é "inaceptable" que se cancelen as consultas médicas e só se atendan as urxencias, xusto cando a poboación se multiplica por sete debido ao turismo,
ao estaren de baixa catro dos sete facultativos do PAC.

PsdeG e BNG sumáronse á protesta cidadá. En resposta ás protestas, o Sergas indicou que a área sanitaria de Pontevedra e O Salnés continúa xestionándose cos profesionais que hai en activo e destaca que non hai especialistas en medicina familiar e comunitaria nas listas de contratación para cubrir as baixas e as vacacións dos titulares.