Compostela ten xa máis de 1.300 investigadores biosanitarios

A investigación sanitaria é a gran prioridade científica dos españois, segundo un informe que publicou o CIS nas útimas horas. E a biomedicina é un campo en que Galicia ocupa unha posición de liderado. Despois de máis de 15 anos de singradura, os institutos e centros de investigación de Santiago de Compostela recollen réditos: crean emprego, xeran riqueza e atraen talento ao tempo que dan pasos de xigante na loita contra a enfermidade.

"Somos investigadores médicos e investigadores clínicos que buscamos a investigación biomédica traslacional", exploca Luz Couce, directora científica do Instituto de Investigación Sanitaria de Santiago,

Só entre o IDIS e o CHUS suman agora mesmo máis de 1.300 persoas traballando en investigación. Conta o pulo de figuras científicas de importancia internacional, a capacidade técnica para captar recursos económicos e, por suposto, a calidade dos proxectos, os traballos e as publicacións. Son extremos todos que contribuíron a darlle a volta á tortilla para converter Santiago nun lugar que logrou atraer investigadores biomédicos de máis de 20 países do mundo.

Integrado no IDIS está tamén o CIMUS, con 250 investigadores máis que son quen de captar máis de 10 millóns de euros de financiamento.

 "Somos unha plataforma europea de descubrimento de fármacos, temos sets spin-off, empresas, que saíron de aquí", di Carlos Diéguez, investigador e exdirector do CIMUS.

E de destacar é tamén a capacidade de formación, porque os que saen de Santiago  son requiridos en centros de todo o mundo. Detrás do éxito actual está o esforzo de anos dos pioneiros, que reclaman o recoñecento do valor da investigación básica. 

"É moi importante que no noso ámbito se manteñan estas estruturas potentes e ben financiadas e engraxadas", matiza José Luis Labandeira, investigador do CIMUS

Foi o que pasou co grupo de José Luis Labandeira, e outros dez do CIMUS que puideron reconverterse a gran velocidade para achegar solucións cando apertaba a pandemia.

"Despois da pandemia, cambiaron moitas cousas, somos quen de aproveitar todo o que se desenvolvera durante este tempo para responder dun xeito urxente ás necesidades", explica Mabel Loza, a directora o CIMUS 

Axudaron nos últimos anos melloras lexislativas e laborais que ofrecen estabilidade, melloran as condicións dos nosos científicos.