Como se vive a vaga de calor nas aldeas
Aínda que lonxe do asfalto se levan mellor as altas temperaturas, cos termómetros por riba dos 40 graos as rúas quedan desertas e a xente refúxiase en bares, casas ou piscinas
Só o balbordo dos que botan a partida no bar rompe o silencio que se impón nas rúas de Mugares, en Toén, nas tardes de calor. Tras as fiestras pechadas, a vida continúa a espera dun pouco de fresco que permita abandoar as casas.
Vivendas, moitas delas de pedra, que aguantan mellor as altas temperaturas e que se converten no mellor refuxio. Pero non todos poden quedar no interior.
Fina, veciña de Alongo, ten que saír para botarlle auga fresca cada pouco ás súas pitas, patos e ocas. Tamén cans ou gatos precisan de maior atención.
Outros saen atraídos polo alivio das piscinas. É o caso dos veciños de Puga, tamén en Toén, que contan cunha construída polo propio pobo.
Un pequeno oasis para sobrelevar a calor cando os termómetros soben dos 40 graos.
