O interior da provincia de Pontevedra, en alerta vermella por calor este xoves
No interior da Coruña, no centro de Lugo e na montaña de Ourense o nivel será laranxa
Europa Press
A Xunta de Galicia, a través da Dirección Xeral de Emerxencias, activa avisos por calor para este xoves 3 de setembro.
MeteoGalicia prevé a chegada de aire cálido de orixe norteafricano que ocasionará un importante incremento nas temperaturas. Con esta previsión, a Xunta activa para este xoves o máximo nivel de alerta, o vermello, por calor para o interior da provincia de Pontevera.
O interior da provincia da Coruña, o centro da de Lugo e a montaña de Ourense quedan en aviso laranxa.
#Alertas112 🌡️
— 112 Galicia (@112Galicia) September 2, 2026
Alerta por vaga de calor en varios puntos de Galicia a partir do día de mañá:
🔴 Interior de Pontevedra.
🟠 Interior da Coruña, centro de Lugo e montaña de Ourense.
➕ℹ️ https://t.co/yydfkoiq46 pic.twitter.com/HXsRvpUrOI
Os concellos afectados pola alerta de nivel vermello por calor son Agolada, O Campo Lameiro, A Caniza, Cerdedo Cotobade, Covelo, Cuntis, Dozón, A Estrada, Forcarei, Fornelos de Montes, Lalín, A Lama, Moraña, Rodeiro, Silleda e Vila de Cruces.
Os valores máis elevados espéranse durante as tardes do xoves e do venres. O sábado aínda será un día caloroso, pero probablemente con nubes e algunhas tormentas no interior que farían descender lixeiramente as temperaturas e estes valores tenderían xa a normalizarse o domingo.
