Como escoller unhas boas lentes de sol
Os especialistas desaconsellan totalmente a súa compra en bazares, promocións ou en tendas onde se dubide da súa homologación
Co verán aumenta a exposición ao sol e os nosos ollos sofren igual que o fai a nosa pel. Por iso é moi importante saber escoller ben unhas lentes de sol.
Nunha óptica é onde mellor nos poden aconsellar sobre os filtros que deben ter unhas lentes de sol, dependendo das actividades ao aire libre que faga cada persoa.
Non é o mesmo usalas para escalar unha montaña que para tomar o sol na praia, e poden ser polarizadas pero tampouco é imprescindible.
Os especialistas desaconsellan totalmente a súa compra en bazares, promocións ou en tendas onde se dubide da súa homologación.
É mellor non usar nada antes ca unhas lentes sen filtros, cuxos danos nos ollos son moito máis graves.
A mácula é o punto da retina en que temos máis agudeza visual, daquela non compensa ese risco cando hai lentes homologadas de todos os prezos.
Nas ópticas lembran que os nosos ollos teñen memoria igual ca a pel, e por tanto os danos adoitan aparecer a longo prazo.
