Comezan as celebracións polo 50 aniversario de Zara
Este 9 de maio reabre a primeira tenda da marca na rúa Juan Flórez da Coruña totalmente reformada
A multinacional prepara a campaña '50 anos de Zara', dirixida por Steven Meisel, un dos grandes da fotografia de moda, que contará coa participación de modelos icónicas
"É un fito importante. É un ano de celebración por 50 anos de actividade", explica o Conselleiro delegado de Inditex, Óscar García Maceiras.
Así anunciaba Inditex que o 2025 é un ano especial para a compañía. Un 9 de maio de 1975 abría as súas portas a primeira tenda de Zara. Este pequeno establecemento da rúa Juan Flórez, que segue sendo un termómetro para medir as demandas dos clientes.
"Fun das primeiras clientas", di unha coruñesa.
A actividade é frenética arredor desta tenda, que reabrirá as súas portas totalmente reformada para seguir ofrecendo ao público a receita do éxito de Amancio Ortega. Moda de calidade para todo tipo de cliente e a un prezo asequible.
"Creo que vai ser unha tenda única. E terá cafetería", explican comerciantes da zona.
Non será a única celebración. A multinacional prepara a campaña 50 anos de Zara, dirixida por Steven Meisel, un dos grandes da fotografia de moda, que contará coa participación de modelos icónicas. É o selo persoal de Marta Ortega, a galega que medio século despois lidera unha das primeriras empresas do mundo.
