A DXT prevé 545.000 desprazamentos en Galicia durante a operación retorno

A Dirección Xeral de Tráfico (DXT) activa este venres, 28 de agosto, ás 15:00 horas a operación especial retorno, dispositivo que se prolongará ata as 24:00 do luns, 31 de agosto, para atender e garantir a seguridade viaria durante este mes do período estival. En Galicia, prevén uns 545.000 desprazamentos, que poden superar os 1,5 millóns durante estes catro días en todo o país.

Segundo informou a DXT nunha nota, esta é o cuarto e último dos dispositivos especiais que deseñou a DXT con motivo da operación de tráfico verán 2026, un dos períodos con maior mobilidade do ano.

No retorno, o fluxo predominante de tráfico será en sentido cara aos grandes núcleos urbanos, sendo especialmente conflitivos os accesos aos mesmos.

A provincia de Pontevedra será a que concentre máis tráfico, o 22 % e, concretamente, uns 197.000 vehículos. Séguelle a da Coruña, con 179.000 desprazamentos que supoñen o 20 % do total. Ourense sumará o 10 %, con 89.000 vehículos, mentres que Lugo, rexistrará 80.000 desprazamentos (o 9 %).