Rufián admite que fracasou e que probablemente non haberá unidade da esquerda

O número un de ERC ao Congreso, Gabriel Rufián, recoñece que fracasou "na súa proposta para conformar unha candidatura unitaria das esquerdas nas eleccións xerais do 29-N e asumiu que "moi probablemente non haberá acordo".

Nunha entrevista en RAC1, a primeira que concede desde que foi proclamado cabeza de lista de Esquerra, Rufián afirma que pensou en "marchar" e non encabezar a candidatura do seu partido nas eleccións do 29-N, pero freárono. Segundo sinalou, se segue é "por responsabilidade" e "pola militancia de ERC, non por ninguén que está nun despacho" do partido.

Rufián pediu desculpas por non lograr a candidatura unitaria: "Pensei que a base de repetir o que dicía a rúa e que se tiña a suficiente forza, podería arrastrar aos aparellos dos partidos. E probablemente non poida. É un fracaso. Fracasei. Fracasamos".

Segundo dixo, este era o "momento histórico" para lograr un acordo que incluíse a Podemos, ERC, Comuns e demais partidos de esquerdas tanto estatais como soberanistas, pero asume que este proxecto non vai ser posible: "Quedan unhas horas pero é moi probable que non pase. Oxalá ocorra, pero é moi probable que non pase".