Giráldez festexa o momento do equipo: "Estamos por riba das expectativas"
"Teremos que estar perfectos para superar calquera dos dous equipos que nos poden tocar", asegurou o técnico porriñés
Claudio Giráldez xa pensa nos oitavos de final da Europa League. Despois de superar a eliminatoria de play off contra o PAOK a mente de Claudio sitúase no sorteo deste venres no que o Celta pode quedar emparellado co Aston Villa ou co Lión.
"Teremos que estar perfectos para superar a calquera dos dous. Son equipos con moita historia e con xogadores con experiencia. Polo que nos trasladan os xogadores podemos conseguilo pero será moi difícil".
Sobre o partido, Giráldez asegurou que "sabiamos que iamos ter enfronte un equipo ben traballado. As cousas non son doadas a estos niveis. Estou moi ledo por vivir unha eliminatoria máis".
O porriñés entende que o Celta está "por riba das expectativas agardadas ao comezo da temporada. Estamos nun lugar que non nos corresponde". Pero Claudio é ambicioso e agora soña "con estar en cuartos".
