Cargando resultados...
A santiaguesa Alejandra Neira arrasa e revalida o título de campioa de España de CRI júnior
Conquista o seu segundo ouro nacional consecutivo tras superar a Ane Zubeldia e Lidia Castro
A nedense Inés Santalla terminou a proba en sétima posición
Foto Federación Española de Ciclismo
G24.gal
25/06/2026 13:14
Última actualización 25/06/2026 13:19
A ciclista compostelá revalidou o título de campioa de España de contra o reloxo júnior ao impoñerse con absoluta autoridade en Sabiñánigo na proba inaugural do Nacional de Estrada Elite-Sub23-Junior.
A corredora galega finalizou os 18,6 quilómetros do percorrido nun rexistro final de 26:41. Este tempo reflicte a súa superioridade respecto ao resto de competidores. Avantaxou nun minuto e 34 segundos a Ane Zubeldia, e nun minuto e 43 segundos a Lidia Castro, terceira.
Pola súa banda, a nedense Inés Santalla terminou a proba en sétima posición cunha marca de 29:00.
