Adama Traoré, deportivista ata 2028, reencóntrase con Aubameyang

O Deportivo da Coruña volve dar outro golpe na mesa deste mercado de verán. Na noite deste mércores anunciaron a fichaxe de Adama Traoré, o extremo catalán e oito veces internacional con España, que estaba sen equipo logo de rematar contrato no West Ham. A pasada temporada xogou 24 partidos de Premier League e 4 de FA Cup entre o West Ham e o Fulham FC.

O novo xogador vestirá de branquiazul ata 2028, dúas temporadas nas que ofrecerá moita potencia á banda dereita do Dépor. Na Coruña reencontrarase ademais con Aubameyang, co que coincidiu no 2022 no F.C. Barcelona.