Cinco mortos por atropelo en oito anos na recta de Rus, en Carballo

Os sinais advirten do perigo, as limitacións de velocidade están claras e hai un radar fixo. Ademais, os controis de tráfico son habituais. Pero, aínda así, os accidentes repítense desde hai anos neste punto negro da rede viaria galega: a recta de Rus, no concello de Carballo.

Veciños da zona e usuarios da vía, bótanlle a culpa ao exceso de velocidade.

Outros condutores pídenlles aos peóns que extremen as precaucións para cruzar a vía. Lembran que moitos dos falecidos por atropelo carecían de chaleco reflector. 

Os veciños cren que se poden aplicar novas medidas de control. O propósito é intentar que accidentes como o desta fin de semana, cun home morto por atropelo, deixen de ser frecuentes nesta estrada.