Chegan as chuvias na segunda semana de vendima e iso preocupa os viticultores

As chuvias chegan algo tarde este ano para os viticultores. Os técnicos considérana necesaria en agosto, sempre que sexa maina e dure poucos días. Pero é que este verán de tanta calor fixo que se adiantara a vendima. E as previsións metereolóxicas apuntan a que a auga vai chegar xa na segunda semana de colleita, na Ribeira Sacra, e nesta denominación xa estarán na segunda semana de vendima.

A Televisión de Galicia viaxou este sábado ata unha parcela do Saviñao; a un deses viñedos que se poden apadriñar para elaborar viño, coa axuda dun grupo de técnicos, e participar no mantemento destas viñas. Alí, Alejandro Fernández, técnico da empresa Enonatur, explica as particularidades desta colleita.

"A calor excesiva ás veces provoca bloqueos na planta por estrés hídrico e a maduración non é como a queremos en canto á acidez. Por supervivencia, a planta frea o traballo porque se deshidrata".

Os viticultures agardan que a chuvia sea mansa e de poucos días

Con este verán tan cálido e seco, Alejandro considera que a chuvia é moi necesaria, sobre todo para o futuro das plantas. A única preocupación é se dura moito tempo e as temperaturas baixan moito.

"Se vai moita calor de día e moito frío de noite, a uva abranda e deteriórase máis rápido. A influencia da chuvia agora mesmo non é mala, mellora a acidez. Pero se veñen moitos días de chuvia é probable que cause enfermidades como a botrite e que a uva se empece a deteriorar".

Na Ribeira Sacra colleitáronse máis de catro millóns e medio de quilos de uva o ano pasado. Se se cumpren as previsións, este ano recollerán máis de cinco millóns de quilos.

Este verán caluroso fixo que a uva madurase moito antes na Ribeira Sacra