Chega a choiva ao interior, pero non é suficiente para paliar o déficit de auga
Na cidade de Ourense choveu en todo o mes de setembro o mesmo que en tan só 12 horas hoxe en Tui
Ourense ergueuse este xoves co son da choiva tras dúas semanas sen apenas precipitacións. Unha auga moi agardada pero insuficiente para paliar o déficit nos encoros e nos ríos da provincia que se atopan un 16 % por debaixo do habitual. Mañá remata o ano hidrolóxico que comeza no mes de outubro e as chuvias na provincia de Ourense foron ao redor dun 40 por cento inferiores ao normal.
Nas últimas horas recolléronse na cidade das Burgas 15 litros por metro cadrado. En todo o que levamos de setembro, uns 45, a mesma cantidade que se recolleu en Tui en tan só 12 horas.
Para as próximas xornadas xa non se agardan máis auga senón a entrada dun anticiclón que traerá unha nova suba das temperaturas.
