Centros comerciais cheos e clientes en busca de gangas pero pouco gastadores

Tarde de moito movemento a deste sábado nas zonas comerciais, como no centro Vialia, en Vigo. As ofertas que locen nos escaparates desde hai días atraen moitos clientes.  Pero, á hora da verdade, parece que os descontos non son para tanto.

"Non baixaron tanto de prezo como pensabamos pero bastante ben, algo aforramos". "Eu son máis de comprar cando o necesito". "Non hai que gastar por gastar". "Estivemos mirando en varias tendas e non compramos moito porque, a pesar das rebaixas, segue estando caro", explican algúns dos clientes.

Quéixanse os compradores duns descontos que ás veces non son tal. E hai vendedores que tampouco están convencidos das rebaixas nesta época. Os clientes aproveitan para adiantar compras para o Nadal ou matar un antollo. 

"Gastei máis ou menos razoable, non vin gastar moito. 200 euros". "60 euros" "Demasiado, uns 200 euros, máis ou menos, hoxe". "Vin facer compaña, que non pensaba gastar así que non gastei", contan os clientes.