Os maiores da residencia da Nosa Señora da Esperanza de Ourense celebran o Samaín

Na residencia da Nosa Señora da Esperanza de Ourense comezaron a celebrar o Samaín despois da covid. Primeiro, cun concurso de cabazas, e dende hai un par de anos, cunha auténtica festa na que non pode faltar o baile.

Desta volta a temática foi a de Cazafantasmas. Os residentes levan meses traballando na decoración, nos disfraces e tamén na coreografía. Un día para romper coas rutinas e compartir sorrisos. A vindeira celebración será a do magosto.