Castañas e viño novo, os ourensáns saen ao monte celebrar os magostos

A de hoxe, 11 de novembro, día de san Martiño, é unha data marcada en vermello no almanaque dos ourensáns. Poucos, moi poucos son os que non participan nalgún magosto.

O día ademais convida para saír ao monte que é onde tradicionalmente se celebran estas festas en contacto coa natureza.

Unha tradición que naceu para dar grazas polas colleitas pero que se converteu na escusa perfecta para xuntar grupos de amigos e familiares en torno ao lume e as castañas.