Casimiro, sobre o San Pablo Burgos: "Sería un erro mirar só a súa clasificación"

Luis Casimiro, adestrador do Río Breogán, desconfía da situación clasificatoria do San Pablo Burgos, un equipo que, ao seu xuízo, podería ter “perfectamente” dúas vitorias máis na táboa clasificatoria da liga Endesa.

“É un equipo que está a xogar moi ben ao baloncesto. Os amantes das estatísticas deben de saber que é o equipo que xoga con máis posesións da liga. Ese detalle xa di bastante deles", indicou.

Durante a súa comparecencia ante os xornalistas, apuntou que o seu próximo rival mantén “moitas cousas” da pasada tempada, en que tivo “moito éxito” co ascenso á máxima categoría.

“É un equipo que cada vez está a competir mellor. Podería ter dúas vitorias máis perfectamente e ninguén se asustaría”, manifestou Casimiro.

Tamén eloxiou ao técnico brasileiro Bruno Savignani.

“Sígoo desde que chegou ao Betis. Nese momento parecíame que estaba con outro ritmo de baloncesto, pero a súa evolución foi impresionante. Esa mesma tempada xa avanzou moitísimo, creo que interpreta moi ben a competición na que está”, subliñou.

“Temos que estar centrados en cada segundo do partido que está a pasar, esa é a clave. Haberá xogadores coa cabeza no equipo nacional e outros pensando en que podemos ter días libres, pero iso é un erro. Hai que pensar coma se este partido fose o último”, concluíu.