Case toda España, en alerta pola vaga de calor
As temperaturas non baixarán dos 35 graos
No interior de Euskadi, en Córdoba, Xaén e no val de Liébana, en Cantabria, o nivel é vermello por risco extremo
Toda España, agás as Canarias e as cidades autónomas, está hoxe en alerta por altas temperaturas, que non baixarán dos 35 graos.
No interior de Euskadi, o val de Liébana en Cantabria e as provincias de Córdoba e Xaén, o nivel é vermello por risco extremo.
Unha xornada máis as temperaturas superaran os 40 graos en moitos puntos da Península e as illas Baleares.
Sobre todo no norte, a calor rexistrada supón 10 graos por riba do que é normal nesta época do ano.
"Saímos ás oito por dar unha volta cando baixa a temperatura, pero é infernal. Agora mesmo estamos sen poder respirar practicamente".
"E marcaba o autobús vindo 43. Pois non te estrañe que aquí houbese 44 ou 45. Non o sei".
No interior de Euskadi, na comarca cántabra de Liébana e nas provincias andaluzas de Córdoba e Xaén, mantense activada a alerta vermella por calor extrema.
"Moitísima calor. Aquí en Xaén xa estamos afeitos a esta temperatura. Que non nos vén longo, a ver se vostede me entende".
"Pola noite tirando de aire acondicionado, cos pequenos e demais. Un pesadelo".
"A determinadas horas tes que ter coidado porque un exceso de calor pode trarte problemas de saúde".
Noutras dez comunidades o nivel da alerta é laranxa e amarelo en tres máis.
Só as illas Canarias e as cidades autónomas de Ceuta e Melilla escapan desta primeira vaga de calor do verán.
