Campaña de doazón de sangue en Semana Santa

Coincidindo coa Semana Santa, as unidades móbiles da Axencia de Doazón de Órganos e Sangue visitan un total de 33 concellos galegos co fin de facilitar a doazón á cidadanía. En Carballo, por exemplo, un autobús convida todo o mundo a doar e poder así garantir as reservas de todos os grupos sanguíneos.

Lembran desde a unidade móbil que calquera persoa pode doar, só precisa ser maior de idade, pesar máis de 50 quilos e estar saudable. Lembran tamén que se pode facer en calquera momento  e que calquera momento é bo. A Carballo volven este sábado día catro e estarán ata as tres da tarde.