Cae a rede de Vodafone nas zonas afectadas polos incendios

Durante esta mañá, unha gran cantidade de clientes de Vodafone reportaron problemas en canto ao seu servizo móbil. Ao parecer a rede da operadora caeu e o problema afecta varias comunidades autónomas.

Pola súa parte, Vodafone non se pronunciou sobre o tema, mentres que as redes sociais enchéronse de queixas. A situación segue aberta polo momento e espérase a ver como evoluciona nas próximas horas.

Desde o portal downdetector.com sinalan que as zonas con máis incidencias rexistradas son Madrid, Sevilla, Ourense, Vigo, Santiago de Compostela, Barcelona, Valencia e Pontevedra.

Restablecida a rede de fibra

Vodafone España xa solucionou o problema do corte de rede de fibra deste martes pola mañá. 

Fontes da compañía aseguran que o problema se xerou polos incendios das zonas de Ourense e León, pero que en ningún caso se tratou dunha incidencia xeneralizada.

Ademais, a compañía asegura que incrementaron os recursos nas zonas afectadas polos incendios para asegurar a continuidade e o bo funcionamento do servizo.

Así mesmo, Vodafone está activando datos ilimitados nas liñas móbiles sen custo para que os clientes afectados dispoñan de conectividade onde estean.