Cachan na Coruña tres persoas con cámaras no teórico de conducir

A Garda Civil sorprendeu tres persoas con dispositivos de vídeo no exame teórico de conducir na Coruña. Os axentes localizaron tres homes que portaban, escondidos entre a súa vestimenta, cámaras de tamaño reducido.

Os feitos ocorreron nas instalacións da Xefatura Provincial de Tráfico da Coruña, situadas no polígono de Sabón, no concello de Arteixo. A infracción conleva unha sanción de 500 euros e a prohibición de presentarse de novo a esta proba nun prazo de seis meses.