Buscan dous homes en Vilagarcía que atracaron a punta de pistola unha tenda

A Policía de Vilagarcía busca dous homes que atracaron unha tenda de pinturas da que levaron preto de 5.000 euros da caixa.

Os autores serían dous varóns, de entre 35 e 45 anos, que este sábado atracaron un establecemento situado na rúa Doutor Tourón.

Os asaltantes finxiron ser dous compradores que ían por separado pero un deles sacou o que aparentemente parecía unha pistola. Pecharon no interior dun cuarto os dependentes para poder subtraer da caixa rexistradora un botín de case 5.000 euros.

Ambos fuxiron a pé do establecemento. Traballadores e viandantes facilitaron a descrición dos ladróns que agora tratan de atopar axentes da Policía Local e Nacional.