Mikel Merino volve vestirse de heroe para darlle a clasificación a España
Fabián e Merino foron os goleadores do equipo de Luis de la Fuente que venceu 2-1 a Bélxica
España xogará a semifinal ante Francia
A selección española confirmou a súa candidatura ao título ao superar Bélxica nos cuartos de final do Mundial e selar o billete para as semifinais, nas que se medirá a Francia. O conxunto de Luis de la Fuente volveu ofrecer unha imaxe de equipo sólido, competitivo e capaz de dominar os tempos dun partido de máxima esixencia.
España levou o peso do encontro desde o inicio, apoiada na circulación de balón e na capacidade para atopar espazos entre liñas. Bélxica respondeu con perigosas transicións e puxo a proba a defensa española, pero a selección soubo sufrir cando foi necesario e mostrou personalidade para decantar a eliminatoria ao seu favor.
O partido comezou cun minuto de silencio polas vítimas do incendio na provincia de Almería.
Ata o minuto 20 non chegou a primeira oportunidade para España cun disparo desviado de Yamine Lamal.
Os de Luis de La Fuente lograron adiantarse cun gol de Fabián tras un rexeitamento de Curtois. Era o minuto 29.
Tres máis tarde España puido marcar cun disparo de falta de Lamine que rexeitou o porteiro do Real Madrid.
Sen trocos na segunda parte, España tivo unha dobre oportunidade con disparos de Baena e Dani Olmo.
Pero a cinco minutos do descanso, De Ketealere empatou cunha testada que acabou coa imbatibilidade de Unai Simón.
A primeira parte rematou co empate 1-1
Houbo poucas accións no reinicio. España só chegana con dous disparos de Baena e de Olmo.
No minuto 70 Bélxica sufriu unha importante baixa coa lesión de Curtuois.
Nun encontro sen ocasións volveu aparecer Mikel Merino para converterse outra vez en heroe e darlle a clasificación a España no minuto 87.
O pase ás semifinais reforza a confianza dun equipo que continúa invicto no torneo e que segue soñando con conquistar o Mundial. Francia agarda agora nun duelo entre dúas das grandes favoritas ao título.
