O concello de Begonte énchese de futbolín no seu III Open

No marco da Festa da Xuventude, Begonte acolle este sábado o III Open de Futbolín, un campionato nacional no que participan duascentas persoas de dez comunidades diferentes.

Malia seren un certame tan novo, xa conseguiu consolidarse. O poder de convocatoria deste campionato débese á gran cantidade de persoas afeccionadas que hai na zona. 

Para topar a orixe desta querenza polo futbolín, hai que remontarse 27 anos atrás, cando un veciño deste concello e outro de Rábade quedaron campións do mundo.