Aviso amarelo por nevaradas na montaña de Lugo e Ourense

A borrasca Leonardo marcha deixando acumulacións duns cinco centímetros de neve nas cotas superiores aos 900 metros.

De feito, hai aviso amarelo por nevaradas nas serras orientais de Lugo e de Ourense e en todo o sur da provincia ourensá.

Durante toda a xornada, as quitaneves traballaron arreo para facer posible a circulación pola rede viaria da alta montaña.

Así e todo, entre Pedrafita e Triacastela estivo restrinxido o tránsito de camións, coa velocidade máxima limitada a 60 quilómetros por hora.