Aviso amarelo no litoral da provincia de Pontevedra por calor e tormentas

MeteoGalicia informou da activación dun aviso amarelo no litoral da provincia de Pontevedra e na zona do Miño en Ourense por altas temperaturas e tormentas.

Este martes espéranse máximas por encima dos 36ºC e un aumento da inestabilidade atmosférica. O aviso amarelo mantense para o mércores no litoral pontevedrés e no oeste e suroeste da provincia da Coruña por tormentas. De madrugada espérase moita inestabilidade atmosférica.