Empeza O Son do Camiño cunha estimación de 42.000 asistentes diarios
Bryan Adams, Duki e Franz Ferdinand, cabezas de cartel desta primeira xornada
Arredor de 42.000 persoas asistirán cada día de festival
Eran as 10 da mañá e xa soaban os primeiros acordes musicais. O rapeiro arxentino Duki subía ao escenario para facer os seus primeiros ensaios. Así soaba sen a calor do público. Así soará esta noite cando estea moito máis arroupado. Con el comparte cabeza de cartel a banda escocesa Franz Ferdinand e un incombustible Bryams Adams, que leva ás súas costas 50 anos de carreira
"O meu favorito, por exemplo, Bryam Adams".
"Eu veño ver as vellas glorias, como é Bryan Adams, como pode ser Estopa, como pode ser Amaral, o resto...".
O resto é para os que teñen outras preferencias musicais.
"Duki, Bad Gyal, algo de Bárbara Lago, Indira Pganotto, o que é o son electrónico, o techno, o house"
Algúns buscan outro tipo de experiencias
"A nós o que nos gusta é o ambiente sobre todo máis que o cartel".
E ambiente vai haber. A organización cifra en 42.000 os asistentes diarios. Así que esta mañá foi un ir e vir de xente ultimando preparativos. Tamén moito movemento fóra do recinto coa chegada dos festivaleiros máis madrugadores.
"Viñemos xa onte polo de deixar xa as tendas e todo aquí, onte xa montamos algo de festa".
"Vimos de Barcelona, saímos onte pola noite".
Para elas será a primeira vez, outros repiten como estes rapaces de Valladolid:
"É a segunda vez que vimos porque o ano pasado quedamos con ganas de máis, gustounos moito e estamos repetindo".
Na zona de acampada había moitos instalados xa, outros leados coa montaxe das tendas.
"Dúas tendas, pero unha é nova, e non sabemos moi ben aínda como vai".
E todos mirando ao ceo. A temperatura fresca mesmo se agradece, a choiva xa non tanto.
"Mentres non chova moito, está todo ben".
Seguro que de noite todos estarán máis pendentes do que ocorre nos escenarios que da propia choiva.
