O autocoidado, un antídoto contra o estrés postvacacional
Volver ao traballo despois das vacacións supón un pico de estrés para moitos traballadores
As condicións do traballo e a satisfacción individual á hora de desenvolvelo son determinantes á hora de reincorporarse
Volver traballar despois de botar un mes de vacacións pode supoñer un pico de estrés para algúns traballadores, polo que dende a psicoloxía recoméndase manter rutinas de autocoidado
"Se unha persoa ten un posto de traballo satisfactorio, cunha carga de traballo adaptada ás súas capacidades e competencias. Se ademais lle dá autonomía seguramente o retorno ao traballo vai ser máis levadío. En cambio, aquelas voltas a actividades laborais con pouco contido psicolóxico serán menos atractivas á hora de retornar", asegura Carlos Montes, presidente da Sección de Psicoloxía do Traballo do Colexio Oficial de Psicoloxía de Galicia,
Con todo, moitos tratalladores e traballadoras concordan en que o traballo é un mal menor, necesario para poder vivir, e que o feito de volver á tarefa tamén é unha oportunidade de reencontrarse con compañeiros e clientes.
"Custa algo o primeiro día pero despois xa se volve á normalidade", di unha traballadora
O cambio é máis brusco cando as vacacións son máis longas. Sete de cada dez españois escollen xullo e agosto para as vacacións aínda que cada ano hai máis xente que elixe xuño ou setembro.
