Atopan sen vida a moza de 24 anos desaparecida en Lugo o pasado 21 de xullo
O corpo de Carmen López apareceu na contorna do río Miño, e o primeiros indicios descartan a participación de terceiros
Axentes do Corpo Nacional de Policía localizaron na mañá deste venres o corpo sen vida de Carmen López, a moza de 24 anos desparecida en Lugo desde o pasado 21 de xullo.
O dispositivo de busca retomouse a primeira hora da mañá coa participación de efectivos da Policía Nacional, Protección Civil, persoal municipal e familiares. O cadáver foi atopado pouco antes das once nunha zona arborizada da contorna do río Miño, próxima a lugares que xa foran inspeccionados durante os días anteriores.
Ata o lugar desprazáronse axentes da Policía Científica para realizar a inspección ocular. Segundo indicaron fontes policiais, os primeiros indicios non apuntan á participación de terceiras persoas.
