Morre un mozo tras ser atropelado cando circulaba por Betanzos en bicicleta

O mozo faleceu durante a noite deste venres debido á gravidade das lesións que presentaba. Fora atropelado na mañá do xoves por un vehículo mentres circulaba en bicicleta polo polígono de Piadela, na localidade coruñesa de Betanzos.

O accidente produciuse pouco antes das 10:30 horas. Os servizos de emerxencias confirmaron a gravidade da situación e o menor foi evacuado en estado grave polos profesionais sanitarios. Finalmente faleceu horas despois.