Atopan o cadáver dun home no mar preto da praia de Loira, en Marín
Foron uns mariñeiros os que localizaron o corpo
Parece que o falecido podería ter uns 60 anos e levaba postos os escarpíns que se empregan para mergullar
EFE/Sxenick
Uns mariñeiros localizaron este luns o cadáver dunha persoa preto da praia de Loira, no municipio pontevedrés de Marín. Fontes da investigación confirmaron que se trata dun home duns 60 anos, aínda sen identificar, que levaba postos os escarpíns que habitualmente se utilizan para mergullar.
O corpo foi rescatado da auga polos propios mariñeiros que, tras alertar a Garda Civil, levárono no seu barco ata o porto de Aguete. O patrulleira Río Luna do servizo marítimo da Garda Civil trasladouse ata a zona para acompañar a este barco ata o porto e ata que a autoridade xudicial ordee o levantamento do cadáver.
A investigación sobre a aparición deste home falecido quedou en mans da Policía Nacional, que xa traballa para pescudar a identidade desta persoa.
