Atopan unha persoa falecida nunha piscina en Carballeda de Valdeorras

Unha persoa foi localizada morta este venres á mañá nunha piscina de Carballeda de Valdeorras. Segundo informa o servizo de emerxencias 112Galicia, o aviso chegou por parte dun particular contra ás 11:00 horas. Segundo indicou, acudira á piscina en Riodolas e observou unha persoa flotando nela.

Desde o 112 informouse ao Servizo de Urxencias Sanitarias de Galicia-061, que se mobilizou ata o lugar pero só puido confirmar o falecemento da persoa.

Tamén se desprazou a Garda Civil ata a zona.