Aspas: "O derbi de Riazor será fermoso. Aplaudiranme? Non o sei"
Lamenta a mala sorte das lesións no equipo
O Celta inicia en Elx un esixente calendario
A tempada de despedida de Iago Aspas, tótem do celtismo, terá un dos seus capítulos especiais no derbi de Riazor en abril.
"É un partido fermoso, máis despois de tanto tempo. Os últimos recordos que teño alí son moi bos, con goles e vitoria. Aplaudiranme? Non o sei. Cando sexa o momento, verémolo", sinalou Aspas.
O Celta retoma a Liga este domingo en Elx, varias semanas despois de ter goleado o Racing de Santander en Balaídos.
"Aquela vitoria foi un alivio. Sobre todo por volver gañar na liga. O equipo estaba facendo un bo traballo pero sen ter recompensa nos encontros", sinalou Aspas, que lembra "a mala sorte" do equipo coas lesións, como a de Miguel Román ou Starfelt: "É unha mágoa, pero somos un cadro de xogadores numeroso e o adestrador adoita facer rotacións para manternos a todos en alerta".
O Celta inicia en Elx un esixente calendario con 7 encontros en 22 días de outubro.
