Asalto frustrado nunha nave empresarial de Lugo
A propietaria achegouse á nave buscar unhas chaves e sorprendeu un grupo de persoas espreitando por alí
Tratábase de catro individuos que baixaron dun coche e se agocharon nunha zona próxima
Ao verse acurralados pola policía, fuxiron por unha zona boscosa
Os feitos tiveron lugar nos arredores da nave de By Car, dedicada á compra venda de vehículos e taller, situada na estrada vella de Santiago.
O negocio estaba pechado ao público, fóra de horario, xa de noite.
Foi por casualidade que a súa propietaria estivese no lugar. Acudira coa súa parella buscar unhas chaves, o que lle permitiu ver un coche sospeitoso, do que baixaron catro persoas.
"Xusto coincidiu que parou un coche na propiedade do lado, baixaron catro persoas encapuchadas e agocháronse aí detrás dunhas árbores".
Observaron un tempo e despois, ao comprobar que seguían escondidos, chamaron a Policía. A primeira patrulla chegou rápido. Logo sumáronse outras catro. Non conseguiron detelos porque se meteron nunha zona boscosa.
"Ían encapuchados e vestidos con roupa escura".
A identificación é complicada porque a parella non puido verlles a cara "é imposible saber quen foi, porque entre que non se vía nada, que ían encapuchados e vestidos de negro".
"Todo quedou nun susto, e na nave traballan con total normalidade".
"O susto foi no momento", explica Belinda Adkinson, pero agora "xa non hai preocupacións porque temos unha gran seguridade na nave" e non cre que volva pasar.
