As treboadas dan paso á calor, especialmente no sur de Galicia

Vinte e nove graos marcou o termómetro esta tarde en Ourense. Sobre a ponte vella de Ourense, a sensación de calor é aínda maior. "Eu veño sempre con paraugas porque o sol faime moito dano", comenta unha veciña.

As nubes, por primeira vez en días, non anuncian treboada e a novidade ata colle por sorpresa os ourensáns, que xa non saben nin a que aterse.

"Hoxe vai unha calor incrible, pero pola mañá frío, de repente ponse a chover...", explica unha muller.

Na costa non subiu tanto o termómetro, pero o suficiente para animar unha xornada de praia. 

A fin de semana aumenta, de novo, a probabilidade de chuvia e mesmo outra vez treboadas.