As rebaixas manteñen o efecto chamada malia a calor destes días
Nestas datas de inicio de rebaixas nótase un aumento de afluencia nas tendas
Para esta tempada a estimación de gasto medio en España é duns 223 euros
Ben cunha idea xa na cabeza ou sen propósito concreto, as tendas énchense estes primeiros días de rebaixas de quen busca unha ganga.
"Foi un comezo importante. Penso que é cultural, malia que hai períodos de descontos durante o ano, realmente nestas datas de inicio de rebaixas nótase un aumento de afluencia", Carlos Seijas, responsable de entretemento de El Corte Inglés de Vigo.
A calor destes días non afectou ao efecto chamada dos descontos, que nalgúns casos poden ser do 50 %. Os expertos aconsellan pensar en que necesitamos realmente antes de mercar, pero a posibilidade de dar cun choio invita a picar.
Nas rebaixas de inverno os galegos gastamos de media uns 230 euros, e para esta tempada a estimación de gasto en España é duns 223 euros.
