As pantallas e os cigarróns fan a súa estrea en Xinzo de Limia e Verín
As personaxes tradicionais do Entroido nestas vilas saen o domingo corredoiro por primeira vez
En Laza, haberá que agardar para ver os Peliqueiros ao domingo gordo
Son celebracións declaradas de interese turístico nacional e internacional no caso de Xinzo
É o son e o baile das pantallas de Xinzo de Limia, porque elas máis que desfilar bailan en grupo, corren e dan chimpos polas rúas coas vexigas. No Corredoiro vémolas por primeira este Entroido.
Noutro punto do triángulo máxico ourensán, en Verín, tamén é a estrea dos cigarróns. Este domingo é un dos días máis especiais destas festas.
Soan as chocas, corren os cigarróns e Verín volve ser Entroido. E todo vale. Porque son días de alegría, retranca e bo humor. O Entroido é un sentimento.
E mentres en Xinzo segue a troula coas charangas, en Verín a próxima cita será o xoves de comadres.
.png)
.png)