As nubes impiden gozar en Galicia dunha eclipse que deixa ás escuras América do Norte

As nubes impediron ver con claridade a eclipse de sol en Galicia.

O divulgador astronómico e fotógrafo coruñés Óscar Blanco, membro da Agrupación Astronómica, xa anticipaba que, de todos os xeitos, en Europa non se vería practicamente nada desta eclipse salvo na parte máis occidental durante o solpor.

Galicia e as illas Canarias eran algúns dos lugares de Europa onde había posibilidades de apreciar en parte a eclipse. Sería só unha pequena mordedura na parte inferior esquerda do sol. Pero as nubes non deixaron percibir o fenómeno con claridade. 

Porén, a eclipse deixou en case escuridade total, en pleno día, zonas dos Estados Unidos, México, O Canadá e tamén parte do océano Atlántico. 

A lúa interposta entre o sol e a terra deixou unha zona de sombra no norte do continente americano.

Por sorte, quédanos outra oportunidade para ver a eclipse en pouco tempo. En 2026 en Galicia, en agosto e sobre todo no norte e no leste, imos poder ver en moitas mellores condicións, unha eclipse total de sol.