As mariscadoras de Pontevedra, preocupadas pola mortaldade da cría de ameixa

Aumenta a preocupación entre as mariscadoras das Rías Baixas.

As de Pontevedra foron apañar cría de ameixa este mércores aos sementeiros de Campelo e confirmaron que a maior parte dese marisco morreu.

Agoiran un futuro pesimista, porque se ven sen cría suficiente para sementar nas praias.

E din sentirse máis decepcionadas aínda porque levan días retirando mexillón que o mar arrastrou ata as praias e que prendeu na area.