Arrinca a campaña dos bonos turísticos da Xunta

O vicepresidente en funcións, Alfonso Rueda, fixo a entrega simbólica da primeira das tarxetas nestas cabanas de Outes, un dos máis de 800 establecementos nos que van poder durmir os beneficiarios do bono, en que a Xunta paga o 40 % da estancia.

A iniciativa naceu como estímulo do sector en pandemia, pero esta a ter continuidade, dado o seu éxito. A idea é favorecer o turismo interno dos galegos en Galicia e facelo fóra de tempada alta, para encher os establecementos máis aló dos meses do verán.