Armenteira celebra o día grande da Nosa señora das Cabezas
Armenteira celebra o día grande da Nosa señora das Cabezas
Os devotos pasaron por milleiros por este santuario do Salnés nunha das grandes romarías da primavera
Algúns chegaron peregrinando a pé dende as localidades próximas, outros xa pasaron alí a noite despois de participaren na Festa da Xuventude e outros moitos achegáronse en autobús ou en coche para dar grazas ou pedir a intercesión da Virxe especialmente en problemas de saúde relacionados coa cabeza.
O certo é que a contorna do mosteiro da Armenteira é dende primeira hora da mañá un fervedoiro de xente. Fieis que se achegan para participar nos actos litúrxicos e na procesión, tras dous anos sen actividade pola pandemia.
Pero tamén para gozar dun xantar ao aire libre e de actuacións musicais, na que é unha das romarías campestres máis grandes do Salnés.