Unha furgoneta calcinada nun incendio obriga a cortar o tráfico no Milladoiro (Ames)

Unha furgoneta ardeu no Milladoiro, no concello de Ames. Foron outros viandantes os que advertiron ao seu condutor de que había lapas nos baixos do vehículo.

O home logrou saír a tempo, pero a furgoneta quedou completamente calcinada.

O incidente obrigou a cortar o tráfico na avenida principal do Milladoiro. É o segundo percance deste tipo que se produce esta semana en Galicia. Entre as explicacións manéxase a das altas temperaturas destes días.