Aparece aboiando o corpo sen vida dun home no río Arenteiro, no Carballiño

O servizo de emerxencias de AXEGA informa da localización do corpo dun home de 50 anos que apareceu aboiando no Carballiño, no río Arenteiro. Aconteceu este mércores á mañá, despois de que unha persoa alertase o 112 tras divisar o cadáver preto da beira.

 Na zona foron localizados apeiros de pesca, e todo apunta a que puido sufrir unha indisposición.

Ata o lugar desprazáronse efectivos dos bombeiros, que procederon ao seu rescate, e tamén de Urxencias Sanitarias de Galicia-061, do Servizo Municipal de Protección Civil e da Garda Civil.

Ao chegaren, os sanitarios comprobaron que o home estaba xa falecido. O corpo foi trasladado ao Hospital de Ourense para a realización da autopsia. De momento, descoñécense as circunstancias do falecemento,

#AXEGAInforma da localización dunha persoa falecida📍río Arenteiro, #OCarballiño

▶️Os bombeiros están preparando o rescate

🚨Urxencias Sanitarias de Galicia-061, Servizo Municipal de Protección Civil, Garda Civil pic.twitter.com/NRZ3KZPAyo

— 112 Galicia (@112Galicia) July 8, 2026