Alerta vermella por episodio de calor en 16 concellos do interior de Pontevedra

​​​​​​A zona isoclimática do interior de Pontevedra en que a Xunta decretou a alerta vermella abrangue dezaseis concellos, dende Agolada, sitaudo máis ao norte, ata A Caniza, no borde sur.

Un episodio de calor que comeza este sábado e vai manterse durante os primeiros días da semana próxima, con valores que acadarán os 37 graos en boa parte do centro e sur da provincia.

As recomendacións básicas pasan por non facer deporte e actividade entre a unha e as cinco da tarde. Hai que hidratarse de xeito continuado e non expoñerse ao sol.

"Imos comezar o día aquí comendo e refrescándonos na auga, cremiña protectora, sombreiro e a pasalo ben"

"O mellor é a sombriña para refrescarse e está o río para refrescarse. Aos nenos gústales vir ao río coa barca, cos amigos"

A calor afecta tamén outras zonas de Pontevedra como as Rías Baixas, Vigo acadará hoxe por exemplo os 34 graos, e tamén case toda a provinicia de Ourense, dende a bacía do Miño, ata Valdeorras e a montaña oriental. Aínda que aí o nivel de alerta é por agora de cor laranxa.