Alerta laranxa por temporal costeiro na Coruña e Lugo

A Xunta activou alerta laranxa por temporal costeiro nas provincias da Coruña e Lugo para o venres e o sábado, mentres mantén nivel amarelo en Pontevedra.

Todos os municipios do litoral da Coruña e de Lugo estarán en alerta laranxa por ondada entre as 18 horas do venres e as 6 horas do sábado.

Así mesmo, entre as 9 horas de mañá e as 18 horas do sábado manterán nivel amarelo -excepto nas franxas que sexa laranxa-, segundo informa Meteogalicia.

Nos concellos da costa de Pontevedra a alerta será amarela entre as 15 horas do venres e as 18 horas do sábado.

A Xunta informa nun comunicado que se suspende a actividade deportiva do programa Xogade e federada no mar nos municipios afectados.

Responde así a unha alerta emitida pola Axencia Estatal de Mteorología e lembra a importancia de extremar as precaucións.