Alerta laranxa por temporal costeiro na Coruña e Lugo e neve por riba dos 1.000 metros

A Xunta activou alerta laranxa por temporal costeiro nas provincias da Coruña e Lugo para o venres e o sábado, mentres mantén nivel amarelo en Pontevedra.

Todos os municipios do litoral da Coruña e de Lugo estarán en alerta laranxa por ondada entre as 18 horas do venres e as 6 horas do sábado.

Así mesmo, entre as 9 horas de mañá e as 18 horas do sábado manterán nivel amarelo -excepto nas franxas que sexa laranxa-, segundo informa MeteoGalicia.

Nos concellos da costa de Pontevedra a alerta será amarela entre as 15 horas do venres e as 18 horas do sábado.

A Xunta informa nun comunicado que se suspende a actividade deportiva do programa Xogade e federada no mar nos municipios afectados.

Responde así a unha alerta emitida pola Axencia Estatal de Mteorología e lembra a importancia de extremar as precaucións. 

Unha fronte fría chegou á comunidade galega nas primeiras horas deste venres deixando precipitacións que comezarán pola mañá polo oeste e que irán chegando ao resto co avance do día, segundo o prognóstico de MeteoGalicia. 

Xa cara á noite, a cota de neve estará arredor dos 1.000 metros. 

As temperaturas mínimas non experimentarán cambios significativos, mentres que as máximas sufrirán un moderado descenso.